الجديرى المائى من الأمراض المنتشرة عندنا في مصر.
في ناس كتير بتفتكر ان اي حبوب جواها ميه تظهر عند الطفل تبقى جديري علشان كده هنتكلم هنا عن الموضوع ده بالتفصيل.
اول حاجة لازم نعرفها ان الجديري بيصيب اي سن يعني مفيش سن معين للإصابة كبير صغير كله ممكن يتصاب... بس هو غالبا بيظهر في الأطفال علشان هو بيدي مناعة للي اخده فعلشان كده لو حد كبير اخده قبل كده مش هيظهر عليه تاني.
أعراض الجديري المائي :
اول حاجة ممكن تبدء بحرارة خفيفة درجة زيادة مثلا و بعدين تبدأ الحبوب تظهر بكثافة تبدأ في الوجه و تنزل علي باقي الجسم.
الحبوب بيكون فيها ميه و علشان كده سموه الجديرى المائى
ممكن الحبوب دي تظهر في اي مكان في الجسم ممكن تطلع في فروه الراس في الفم في العين ممكن تطلع في اي مكان.
و بيكون انتشارها سريع و كتير جدا و بتعمل حكه جامدة.
الجديري المائي و طرق العدوى:
الجديري بقي من الأمراض اللي عدوتها سهلة اوي لان العدوي بتحصل عن طريق النفس يعني لو حد اتصاب ممكن يعدي باقي البيت بسهولة.
تاني حاجة الجديرى بيعدي بيومين من قبل ما تظهر الحبوب و دي مشكلة لان ممكن العدوي تتنقل من غير مناخد بالنا و بتفضل العدوي لحد ما الحبوب كلها تخف.
ولازم نعرف ان في حاجة اسمها فطرة حضانة للمرض اللي هي الواحد ممكن يكون اتعدي بس لسه مظهرش عليه اعراض و دي من 10 ايام لحد 23 يوم.
الجديري المائي و الاستحمام :
في ناس كتير بتفتكر ان الإستحمام ممنوع في الجديرى و ده غلط... احنا ممكن نحمي الطفل عادي بس بميه بس او سفنجة ناعمة علشان منعورش الحبوب.
الجديرى المائى وعلاجه :
- المشكلة في الجديري ان ملهوش علاج يعني بنعالج الأعراض بس بأدوية حرارة و حساسية و كده بس هو بياخد فترة و بيخف لواحده المهم ان الطفل ميهرش في الحبوب بضوافره علشان ميعورهاش و تتلوث و تسيب اثر.... و ساعتها بيعدي اكتر علشان الميه اللي فيها الحبوب دي جواها الفيروس اللي بيسبب المرض..... يبقي مهم اني اقص للطفل اظافره علشان ميعورش نفسه و لو طلعت في فروة الراس يبقي بلاش نسرحله ونعمل حسابنا ان الموضوع بياخد حوالى اسبوعين.
- في تطعيم ضد الجديري المائي بيتاخد للاطفال اللي اكبر من سنة و ده بيعمل وقاية بنسبة 85% من المرض. حتى النسبة البسيطة اللي ممكن يتصابوا بيكون الدور معاهم خفيف و بيخف بسرعة.
مضاعفات الجديري المائي :
غالبا في الاطفال مبيعلش مضاعفات بس ممكن في الكبار يعمل التهاب رئوي او التهاب سحائي و مضاعفات تانية كتير و طبعا مهم نبعد الحوامل عن الشخص المصاب علشان ده خطر
ودي صورة فيها شكل الحبوب علشان نعرفه برضه
دكتور حاتم فاروق
في ناس كتير بتفتكر ان اي حبوب جواها ميه تظهر عند الطفل تبقى جديري علشان كده هنتكلم هنا عن الموضوع ده بالتفصيل.
اول حاجة لازم نعرفها ان الجديري بيصيب اي سن يعني مفيش سن معين للإصابة كبير صغير كله ممكن يتصاب... بس هو غالبا بيظهر في الأطفال علشان هو بيدي مناعة للي اخده فعلشان كده لو حد كبير اخده قبل كده مش هيظهر عليه تاني.
أعراض الجديري المائي :
اول حاجة ممكن تبدء بحرارة خفيفة درجة زيادة مثلا و بعدين تبدأ الحبوب تظهر بكثافة تبدأ في الوجه و تنزل علي باقي الجسم.
الحبوب بيكون فيها ميه و علشان كده سموه الجديرى المائى
ممكن الحبوب دي تظهر في اي مكان في الجسم ممكن تطلع في فروه الراس في الفم في العين ممكن تطلع في اي مكان.
و بيكون انتشارها سريع و كتير جدا و بتعمل حكه جامدة.
الجديري المائي و طرق العدوى:
الجديري بقي من الأمراض اللي عدوتها سهلة اوي لان العدوي بتحصل عن طريق النفس يعني لو حد اتصاب ممكن يعدي باقي البيت بسهولة.
تاني حاجة الجديرى بيعدي بيومين من قبل ما تظهر الحبوب و دي مشكلة لان ممكن العدوي تتنقل من غير مناخد بالنا و بتفضل العدوي لحد ما الحبوب كلها تخف.
ولازم نعرف ان في حاجة اسمها فطرة حضانة للمرض اللي هي الواحد ممكن يكون اتعدي بس لسه مظهرش عليه اعراض و دي من 10 ايام لحد 23 يوم.
الجديري المائي و الاستحمام :
في ناس كتير بتفتكر ان الإستحمام ممنوع في الجديرى و ده غلط... احنا ممكن نحمي الطفل عادي بس بميه بس او سفنجة ناعمة علشان منعورش الحبوب.
الجديرى المائى وعلاجه :
- المشكلة في الجديري ان ملهوش علاج يعني بنعالج الأعراض بس بأدوية حرارة و حساسية و كده بس هو بياخد فترة و بيخف لواحده المهم ان الطفل ميهرش في الحبوب بضوافره علشان ميعورهاش و تتلوث و تسيب اثر.... و ساعتها بيعدي اكتر علشان الميه اللي فيها الحبوب دي جواها الفيروس اللي بيسبب المرض..... يبقي مهم اني اقص للطفل اظافره علشان ميعورش نفسه و لو طلعت في فروة الراس يبقي بلاش نسرحله ونعمل حسابنا ان الموضوع بياخد حوالى اسبوعين.
- في تطعيم ضد الجديري المائي بيتاخد للاطفال اللي اكبر من سنة و ده بيعمل وقاية بنسبة 85% من المرض. حتى النسبة البسيطة اللي ممكن يتصابوا بيكون الدور معاهم خفيف و بيخف بسرعة.
مضاعفات الجديري المائي :
غالبا في الاطفال مبيعلش مضاعفات بس ممكن في الكبار يعمل التهاب رئوي او التهاب سحائي و مضاعفات تانية كتير و طبعا مهم نبعد الحوامل عن الشخص المصاب علشان ده خطر
ودي صورة فيها شكل الحبوب علشان نعرفه برضه
دكتور حاتم فاروق
